Ôi 8/8, ta ntŭk kan Kruanh dak, Kruanh dak Võ Văn Thưởng pă nau ntrŭnh pă grat Thượng tướng ân đồng chí Trịnh Văn Quyết, Uỷ viên Trung ương Đảng, uỷ viên Quân uỷ Trung ương, Groi Kruanh N’gâng kan chính trị tahen ƀon lan Việt Nam. Ntoh nau tâm nar rƀŭn, Kruanh dak Võ Văn Thưởng rnơm lah, Thượng tướng Trịnh Văn Quyết lŏ ƀư ueh nau dơi têh ang bah tahen ƀon lan Việt Nam, ƀư jêh nau kan geh jao.

Ntoh nau tâm nar pă grat, Thượng tướng Trịnh Văn Quyết ntoh nau ƀư rjăp tĭng nau rđau bah Kruanh dak, ƀư nau kan du nuih n’hâm ma Đảng, neh dak ndrel ƀon lan, nsôih ntĭm nti ndrel pah kan tĭng nau Kruanh Hồ Chí Minh mpeh nau mĭn ƀư kruanh: Nau mĭn, nau janh, nau ueh, nau rnơm, nau nâp; lŏ nsôih chiăr nti, mât ueh nau ueh ơm bah cách mạng, mra ndơn ndrel ƀư jêh ăp nau kan geh Đảng, Ngih dak, tahen ndrle ƀon lan jao./.