Ôi 18/4, Kruanh dak Võ Văn Thưởng pă nau ntrŭnh đă ntop ân wa Phạm Quang Hiệu, Kruanh n’gâng kan nchră nau, Kruanh Uỷ ban Ngih dak mpeh nŭih Việt Nam tâm dak ba dih ƀư nŭih kan ntoh măt ân dak Cộng hoà xã hội chủ nghĩa Việt Nam gŭ kan ta Nhật Bản, nkre ma Cộng hoà gôl dak Marshall tâm năm kan 2023-2026. Ntoh nau tâm nar rƀŭn ndơn nau kan, Wa Phạm Quang Hiệu ton lah, tâm năm kan bah nơm mra nsôih lôch n’hâm bun dăp ân nau tâm boh bar dak hun hao dăng:

N’hao nau tâm nchră gưl prêh, pơk trong nơih lơn ân nau kơl an ƀon lan ndrel ntŭk tâm boh ƀư nau kan bah bar dak, rgop nau ntrŭt dăng nau tâm nchră nau văng sa. Wa mra ndrel đah cán bộ, nŭih gŭ pah kan ntoh măt bah dak nơm ntrŭt dăng nau tâm boh nau kan hun hao, ntuh kơl ngih vâl gung trong, hun hao công nghệ prêh, n’hao nau ntrơn rgâl mrô, ntrơn rgâl ndrih; ntrŭt dăng nau kan tâm n’ur ƀon lan, ndâk nau tâm boh đah ăp nkuăl bah bar dak, ntrŭt dăng nau kan mĭn njêng gay kơl tâm nchră nau, ndâk njêng Đảng, ƀư nâp nau tâm rnglăp ntŭk gŭ kan gay ma ƀư ueh nau kan geh jao./.