Ntoh ngơi ta rơh pah kan, kruanh dak Võ Văn Thưởng lah na nê̆, Quân khu 2 lah nkual neh hvi, geh ntŭk kan têh khlăy jêng nău kan, ntŭk kan bâh mpôl tahen Quân khu 2 lah dŭt jêr, dŭt âk, ngăn lah tâm nău mhe ta lam ntur neh, ta nkual geh tât dŭt jêr, tâm dak, ta ntŭk hôm nha geh âk nău tât mô ueh, âk nău jêr njrăng.

Tâm ban ŭch đah ăp nău kan tơm khlăy ma quân khu uănh năl tâm 6 khay dŭt năm, kruanh dak Võ Văn Thưởng đă, tâm let năp tay, ăp ntŭk kan, mpôl kan, tahen tâm Quân khu 2 geh gĭt tay na nê̆, mbơh rblang, uănh năl n’hanh nchroh an tâm di nău mhe, ngăn lah nău tât geh tât mât rnă njrăng ngih dak, rnă njrăng ta ntŭk, leo kan,ngăch ndăn mbơh ôp nău đah Đảng, ngih dak, Quân ủy Trung ương n’hanh n’gâng kan mât rnă njrăng ngih dak geh nău kơl kan an tâm di, nsrôih mô an geh nău tât, nău ndal tâm ăp nău kan, mât ueh nâp trong n’har bri ngih dak, nău ƀư tơm, dơn ngoăy n’hanh lĕ rngôch nkual neh bâh ngih dak.