Ôi 11/5, ta Hà Nội, Kruanh dak Võ Văn Thưởng hŏ pah kan đah Ban cán sự Đảng, kruanh Viện Kiểm sát ƀon lan gưl têh. Lah ta rơh pah kan, Kruanh dak Võ Văn Thưởng rnê âk ăp nău dơi n’gâng kan Kiểm sát hŏ dơi geh tâm ban ri aơ nơh, nkre dăn đă n’gâng kan Kiểm sát ta năp ăp nô nău tih ân ŭanh năl di na nê̆, dŏng luật ngăch ngăr, ndơ̆ nău geh bah Ngih dak, ƀon lan lor bôk năp.

 Ăp nuĭh tih ân dơi nkra ngăch, lhăt jăp, di nuĭh, di nău tih, di pháp luật, mô an geh ntôn tih, lhoi luh nuĭh tih, rmal lhăt ăp nuĭh tơm nuĭh tih, nkre tâm pă kloh ntil nuĭh tih bah tĭng nuĭh, đăp mpăn di nuih n’hâm, rŏng nuĭh, mô dơi rlăch. Kruanh dak đă, lôch ăp nău tih, n’gâng kan ân gŭ mĭn, ŭanh năl gay nchŏng luh ăp trôm blŏng bah nău way nchâp đă trong kan, trong kơl, pháp luật, ngăch nsŏng kơl đah Đảng, Ngih dak rdâk njêng nău way nchâp đă nău kan, ƀư lôch jêh nău way kan, ƀư lôch jêh nău dơn kan dơi ƀon lan nsing an mpeh groi nđôi nău dơi kan Ngih dak tâm nău kan tư pháp.