Ôi 5/7, Kruanh dak Võ Văn Thưởng pah kan đah Bộ Công an, Nhih phat dôih ƀon lan gưl têh, Viện Kiểm sát ƀon lan gưl têh, Văn phòng Kruanh dak, Ban Nội chính Trung ương n’hanh Ủy ban Tư pháp bah Quốc hội gay ŭanh năl nô nău pah kan nkra hồ sơ nuĭh tih khĭt săk n’hanh nkhĭt nuĭh tih jru tâm bah ri aơ. Tâm bah ri aơ, ăp nhih pah kan geh tât ta Trung ương n’hanh n’gor hŏ kan nsum lhăt, mĭn uănh, nkra hồ sơ nuĭh tih khĭt săk, mât nhŭp kân n’hanh nkhĭt nuĭh tih jru đăp mpăn di rêng bah pháp luật.

Yơn lah, pah kan dja nha hôm mpăng đêt, mô hŏ tŏng đah nău ŭch geh ngăn ngăn ndơ̆ luh. Kruanh dak Võ Văn Thưởng đă, tâm let năp tay, ăp nhih pah kan ân tĭng ƀư ăp tŏng, răp jăp nău dơn kan, nău dơi kan bah he tĭng di nău way bah pháp luật; tâm pă kloh nău dơn kan bah tĭng nhih pah kan; n’hao dăng kan nsum; ƀư hăn ôp uănh, ra tay mbro, tĭng ƀư geh nău tam, đăp mpăn geh nău tam pháp luật dơi n’hao prêh. Kruanh dak dăn đă, ăp nhih pah kan ân gŭ mĭn, dăn đă trong rƀŏng ntĭm nti rgâl nkra, kơi ntop ăp quy định pháp luật dôl dŏng aƀaơ mpeh rmal nău tih khĭt săk n’hanh nkhĭt nuĭh tih jru tŏng đah nău ŭch geh ngăn ngăn, mbơh nhih pah kan geh nău dơi kan mĭn uănh, n’glêh an./.