Măng ntri (2/2), ta Hội trường Thống Nhất, nkual ƀon têh Hồ Chí Minh, ƀư bôk nău  kan tâm nđŭr njroh mprơ mha êng năm mhe ƀon tơm 2024, du ntŭk rgum tơm văn hóa n’hanh njroh mprơ tâm nuih n’hâm ƀon lan gŭ dak bah dih  n’hanh ƀon lan nkual ƀon têh Hồ Chí Minh. Kruanh dak Võ Văn Thưởng n’hanh I ur râng bôk nău kan.

Lah ta măng njroh mprơ, ntơh măt kruanh rđău kan Đảng, Ngih dak, Mặt trận Tổ quốc Việt Nam, Kruanh dak njuăl tât ăp nuĭh kon dêh rŏng bah me neh Việt Nam dôl  gŭ rêh, pah kan, kơt nti ta dak bah dih nău ôp khâl lĕ nuih n’hâm, ăp nău rŏng ngăn n’hanh ăp nău mbah rhơn bôk năm mhe dŭt uĕh lăng. Kruanh dak lah rjăp, Đảng, Ngih dak way ŭch rŏng ƀon lan he gŭ dak bah dih ntik n’hao dơi săk geh, dơh uĕh, suan blău ƀư mhe, nsĭt tay geh âk nău dơi, nău rêh đăp mpăn, nar lơn ma geh ntŭk gŭ kan khlay tâm di, wăng sa, chính trị nâp dăng lơn, lăp rgum jru hvi tâm nău rêh ntŭk he gŭ. Kruanh dak ŭch let năp tay, ƀon lan mbra sĭt khâl neh dak âk lơn gay uănh saơ ăp nău rgâl bah neh dak,  ăp nău dơi bah rơh rgâl mhe, gay ndrel nsum  ti rdâk njêng n’hanh mât njrăng neh dak Việt Nam dêh rŏng./.