Di tâm rnôk nkah ndray 98 năm Nar Báo chí cách mạng Việt Nam, măng nơh (21/6) ta Cung Văn hóa Lao động Hữu nghị Việt Xô, Kruanh dak Võ Văn Thưởng râng, geh nău lah n’hanh nkhôm rnê tâm rlong Báo chí gưl neh dak tâl XVII. Nkhôm rnê Báo chí gưl neh dak tâl XVII geh 1.894 nău nchih dơi njuăl râng tâm rlong.

Tâm rnoh 157 nău nchih lăp tâm rlong n’glĕ dŭt, Hội đồng giải hŏ sơch geh 8 Giải A, 24 giải B, 46 giải C, 45 giải Khuyến khích. Ăp nău nchih râng tâm rlong grêt dăch ăp nkô̆ têh bah chính trị, wăng sa, văn hóa, rêh jêng kon nuĭh, njrăng n’gang neh dak, rnă njrăng n’hanh ăp ntil êng ƀa ƀă bah nău rêh, nkoch jru ăp nău kan khlay bah neh dak tâm năm 2022. Lah ta rơh lễ, Kruanh dak Võ Văn Thưởng nsing nơm, báo chí mbra ƀư jêh uĕh nău kan têh khlay, lah mpôl hăn chŏl lor tâm trong rƀŏng nău mĭn- văn hoá bah Đảng, di đah nău nsing nơm, rơh mpŏng bah Đảng, Ngih dak n’hanh ƀon lan, di đah ntŭk gŭ kan bah báo chí bơi di 100 năm njêng./.