Nar tâm mâp tâm nđur năm mhe ta ăp mpeh mper neh dak lah nău kan geh ƀư ăp năm gay ma ryơk rnê ăp nău khlăy văn hóa way ơm dŭt ueh bâh ăp mpôl rnoi tâm n’gâng kan way ơm dơn ngoăy ma âk mpôl rnoi ntŭk rêh jêng geh tât 54 mpôl rnoi, nkre lah ntop n’hao nău tâm rnglăp mpôl roi ta ngih jay nsum”. Nar tâm nđur năm aơ geh nău tât râng bâh klâp ma 300 ƀon lan bâh 28 ntŭk rêh jêng mpôl rnoi, tât bâh 16 n’gor, nkuăl ƀon têh n’hanh 16 rmôt kan bâh âk ntŭk rêh jêng ăp mpôl rnoi...đah nău kan, pah kan kơt: Bôk nău kan Nău mprơ rhơn Đảng têh dăng, rhơn năm mhe neh dak, Tết tăm tơm si lĕ nău rêh kahgĭt wa Hồ, bôk nău kan “Pâl vơt rhơn năm mhe” mbơh tơih nău pâl rlưn way ơm, nău gĭt vât bâh ƀon lan, ndơ ngêt sông way ơm nar Tết...Di rơh aơ, kruanh dak Võ Văn Thưởng pă ndơ an ndơn kan ăp mpôl rnoi tât râng nar tâm nđur n’hanh ƀon lan ăp mpôl rnoi geh ndơ pă an lah ăp ntil ndơ ueh êng, nghệ thuật yor ƀon lan ƀư êng, pă an kruanh dak, mpơl nău rŏng bâh ƀon lan ăp mpôl rnoi đah kruanh dak.

Kruanh dak lĕ tăm tơm si nkah ndrăy lĕ nău rêh kahgĭt wa Hồ, mpoh su nhang ta Chùa Khmer ta ntŭk kan ƀon văn hóa- pâl nđaih ăp mpôl rnoi Việt Nam.