Nkah ndray 133 năm nar deh Kruanh Hồ Chí Minh, ôi aơ, ta Jay mprơ têh Hà Nội, Bộ Văn hóa, Thể thao n’hanh Pâl nđaih ƀư Lễ ntăm an ndơ nkhôm rnê Hồ Chí Minh, ndơ nkhôm rnê Ngih dak mpeh văn học, nghệ thuật. Đah nuih n’hâm pah kan geh nău tâm ban bah ăp gưl Hội đồng, lơn lah Hội đồng gưl Ngih dak, geh 27 tác phẩm, rkŭm tác phẩm dăn đă mĭn uănh an ndơ “Nkhôm rnê Hồ Chí Minh” n’hanh 44 nău nchih, rkŭm nău nchih dăn đă mĭn uănh ntăm an ndơ “Nkhôm rnê Ngih dak mpeh” văn học, nghệ thuật tŏng nău dơi mbơh rblang dăn Thủ tướng Chính phủ mĭn hao dăn Kruanh dak ntăm an ndơ “Nkhôm  rnê Hồ Chí Minh”, “Nkhôm rnê Ngih dak” mpeh văn học, nghệ thuật năm 2022.

Kêng dŭt geh 16 nuĭh tơm nchih, ndrel nchih dơi ntăm an, ƀoi tĭng ntăm an ndơ “Nkhôm rnê Hồ Chí Minh mpeh văn học, nghệ thuật”. Lah ta rơh ntăm an ndơ Nkhôm rnê, Kruanh dak Võ Văn Thưởng rnê, mbah rhơn ăp nuĭh tơm nchih, rnăk wâl nuĭh tơm nchih, rkŭm nău nchih dơi ntăm an ndơ Nkhôm rnê Hồ Chí Minh, Nkhôm rnê Ngih dak mpeh văn học, nghệ thuật năm 2022; nsing nơm tay, kâp nơm ăp ndơ geh nchih văn học nghệ thuật mhe, tâm ban têh đah n’gâng kan cách mạng bah Đảng n’hanh Ngih dak he.