Ôi 26/4, ta Hà Nội, Kruanh dak Võ Văn Thưởng râng Lễ nkah ndray 60 năm Nar way ơm Liên đoàn Thương mại n’hanh Công nghiệp Việt Nam (VCCI) (27/4/1963-27/4/2023). Ta rơh lễ, Kruanh dak Võ Văn Thưởng lah rjăp, rlău 60 năm, VCCI hŏ nsrôih ƀư lôch jêh ăp nău kan dơi jao, ntrŭt ntrôl nău hun hao dăng bah mpôl doanh nghiệp n’hanh rmôt doanh nhân. Ntơm bah nê rgop tâm nău hun hao bah neh dak.

 Let năp tay, Kruanh dak đă, VCCI n’hanh mpôl doanh nghiệp, doanh nhân ân njêng suan dăng bah săk ntư lư Việt ta ntŭk tăch rgâl, lăp rgum dak bah dih geh nău dơi pơk hvi tâm rgop tâm boh đah ăp băl dak bah dih kalơ nuih n’hâm ndrel geh nău dơi. Ăp doanh nhân ân gĭt kloh nău khlay kan tâm rnglăp lam rnoi nuĭh, n’hao dăng tâm rnglăp, tâm boh đah công nhân, ƀon lan kan lŏ mir n’hanh rmôt nuĭh gĭt blău, ta nâm nău rđău  kan bah Đảng yor nău ŭch ƀon lan geh ndrŏng, neh dak têh dăng, geh nău tâm ban, rsang rnglăy. Kruanh dak njrăng đă, doanh nhân ân tĭng di pháp luật, way ndơ̆ nău geh bah doanh nghiệp, êng nơm nkre đah nău geh bah neh dak, nău geh bah nsum mpôl.