Ta nkual nkah ndrăy, ta năp huêng khlăy nuĭh ntoh lư mpôl rnoi, nuĭh ntoh lư văn hóa Nguyễn Trãi, kruanh dak ndrel đah mpôl đại biểu lĕ mpoh su nhang, kahgĭt nău kan têh Ức Trai tiên sinh, du hê nuĭh ntoh lư văn hóa dŭt blău, du hê nuĭh geh nău mĭn mhe, du hê nuĭh kan chính trị, trong kan tahen, nchră nău đah dak bah dih dŭt blău.

Ta aơ, kruanh dak râng rơh ntơm nchih nău bôk năm mhe đah bôk nău: “Thủ đô Hà Nội, văn hiến, gĭt blău, ueh mhe” n’hanh ƀư tĭng nău way nchih nău bôk năm mhe;. Nău nchih nău bôk năm mhe lĕ geh mât kơt du nău ueh êng văn hóa way ơm bâh nuĭh Việt. Ăp rplay nchih bôk năp bâh năm way njoăl nău ŭch rŏng mpeh nău ueh lăng, ƀŭn lap, hơm răm, mpơl nău way ơm ryơk nai nti, ngêt dak kahgĭt tu bâh mpôl rnoi Việt Nam, ntrôl dăng nău kan khuyến học, khuyến tài, ntop mât n’hao nău gơih nti, rdâk njêng nău blău kon nuĭh Việt Nam.