Ôi lơ 6/4, ta Hà Nội, Rnâng kan rđau kan Đảng N’gâng kan nchră nau ƀư rƀŭn nchră lôch 10 năm ƀư Nau ntrŭnh Trung ương 8 (gưl XI) mpeh “Nau rƀŏng mât Neh dak tâm rơh mhe”. Uỷ viên Bộ Chính trị, Kruanh dak Võ Văn Thưởng, Kruah Rnâng kan rđau kan rƀŭn lôch Nau ntrŭnh ndrel nau ƀư rđau nar rƀŭn. Ntoh nau tâm nar tâm nchră, Kruanh dak Võ Văn Thưởng rđau ntŭk kan tâm nchră nau ân geh ntrŭt dăng nau nchră tât nau kan văng sa săk tam, ƀư ngăn, rgop nau n’hao nau dăng bah neh dak, ƀư ueh rjăp nau dơi ndrel nau nâp mhe bah neh dak, n’hao lơn tay nau dăng bah neh dak.

Ntŭk kan ân lŏ tâm rgop rjăp ngăn đah neh dak, rnă njrăng ndrel ăp gưl, ăp ntŭk kan n’hao lơn tay nau kan mĭn, mbơh, kơl nchră nau kan gay ma tŏng dơi nau ŭch mât đăp mpăn neh dak tâm rơh mhe, mô rlu n’hao nau ndâk, ntrơn rgâl Đảng ăp ntil mpeh chính trị, nau mĭn, nau rêh; ntĭm mbơh, chiăr nti ân cán bộ, đảng viên mpeh nau kan chính trị, nau blau gay ma tŏng đah nau ŭch ndâk njêng ntŭk kan nchră nau Việt Nam nâp nâl, blau ngăn, ăp ntil, ueh mhe./.