Nar 10/4, tâm rnôk hăn khâl ngăn dak Cộng hoà Dân chủ Nhân dân Lào, Kruanh dak Cộng hoà Xã hội Chủ nghĩa Việt Nam Võ Văn Thưởng hŏ geh rơh tâm nchră đah Tổng Bí thư, Kruanh dak Lào Thoong-lun Xỉ-xu-lít. Tâm mông nar tâm rnglăp, dêh bên nău tâm rŏng băl, oh nô, bar kruanh rđău kan hŏ tâm ôp sŏng mpeh ăp trong rƀŏng, trong nkra ntrŭt ntrôl lĕ rngôch ăp trong tâm boh.

Lah rjăp tâm rnôk nô nău lam ntŭr neh n'hanh nkual dôl tât duh jêr kơt aƀaơ, bar dak nar lơn ma n'hao dăng tâm ôp nău tă ơm gĭt kan, tâm boh, tâm kơl nsum rlău ăp ntul rlong, jêr jŏt. Tĭng nê, bar kruanh lah rjăp tay trong kan mô rgâl bah lĕ bar dak lah way ŭanh khlay n'hanh rong an lor nău bun dăp tâm boh tâm rnglăp têh kuâng, tâm rnglăp mha êng n'hanh tâm boh lam lĕ rngôch Việt Nam – Lào; rgum an ƀư tay geh nău tam ăp trong tâm ban ŭch gưl têh đah bar dak, tâm ban kơt đah ăp n'gâng kan ta trung ương n'hanh n'gor; n'hao dăng nsŏng kơl ăp nkô̆ nău têh jong; ntrôl âk rơh tâm khâl nsum, tâm mâp gưl têh n'hanh ăp gưl.