Kruanh dak Võ Văn Thưởng rhơn wa Claudia Arpa geh ƀư săch kruanh Thượng viện Áo, mpơl nău rhơn tât khâl ngăn dak Áo ta rnôk nău tâm boh kan đah 2 dak dôl hun hao ueh, kruanh dak Võ Văn Thưởng lah na nê̆ Việt Nam way geh uănh khlăy ndâk nsơm n’hanh n’hao nău tâm boh kan đah Áo, lah ueh nău mât uănh, kơl an bâh Thượng viện Áo đah trong kan hun hao wăng sa- rêh jêng n’hanh lăp kan ndrel ta lam ntur neh bâh Việt Nam.

Gay ma n’hao nău tâm kơl bar nghị viện bar dak, kruanh dak Võ Văn Thưởng đă 2 ding an geh ntrôl dăng nău tâm bơh kan ăp gâl gay ma n’hao nău knơm chính trị, njêng nău dơh nơih an nău tâm kơl kan 2 ding, tâm rgop na nê̆ ta ăp rơh tâm mâp bar nghị viện ta nkual n’hanh lam ntur neh. Việt Nam mbra ƀư ntung njŏ ntrôl tâm kơl đah Nghị viện Áo n’hanh hội đồng bar Nghị viện ASAEN.