Kruanh Thượng viện Italia dŭt rhơn rơh tât khâl gâl ngih dak bâh Kruanh dak Võ Văn Thưởng n’hanh mpôl Đại biểu gâl têh Việt Nam, lah na nê̆ aơ lah rơh tâm rgâl nchră nău kan gâl nuĭh leo kan ngih dak bôk năp đah 2 dak tâm 7 năm ba năp, njêng geh âk nău kan khlăy ta nău tâm boh tâm kơl bar ding. Bar ding lĕ tâm ban ŭch tâm rgop na nê̆, tâm kơl ndrel ta ăp rơh tâm mâp bar viện kơt rmôt kan Nghị viện lam ntur neh IPU gay ma tâm rgop nău đăp mpăn, tâm kơl n’hanh hun hao ta nkual n’hanh ta lam ntur neh. Ta rơh tâm mâp Kruanh Hạ viện Italia, kruanh dak Võ Văn Thưởng đă ntrôl tâm kơl đah ăp ntŭk kan lập pháp 2 dak, tâm nĕ geh nău n’hao tâm mbơh nău kan, kơl an nău kan bâh Việt Nam ƀư ntung njŏ ntrôl nău tâm boh đah Nghị viện Italia đah hội đồng rmôt kan nghị viện ASEAN. Kruanh Hạ viện Italia an gĭt nău Hạ viện Italia an dŏng Hiệp định mât kơl ntuh kơl Việt Nam- EU(EVIPA) di rơh tât khâl bâh Kruanh dak mbra geh tâm rgop njêng nău dơh nơih an nău tâm kơl kan ntuh kơl đah 2 ding.

Tâm rnôk hăn khâl, Kruanh dak Võ Văn Thưởng hŏ geh rơh mâp Kruanh nkual ƀon têh Roma Roberto Gualtieri (Rô-béc-tô Goan-ti-ê-ri). Kruanh dak mpơl nău nkah uĕh tât khâl Roma, nkual ƀon têh văn hóa, lịch sử, nghệ thuật n’hanh kiến trúc ntoh lư dâk bôk năp lam ntŭr neh; đă Kruanh nkual ƀon têh Roma n’hanh kruanh nkual ƀon têh ntrŭt nsôr ntrôl dăng tâm boh đah nkual Lazio n’hanh Roma đah Hà Nội, rgop ƀư jru hvi lơn  tâm boh âk ntil đah bar dak. Kruanh dak dăn đă bar ding n’hao dăng kan nsum ƀư ăp nău  kan tâm boh tâm trong kan văn hóa drăp ndơ ơm yău ntlơi an tay n’hao dăng tâm nđŭr, nkoch n’hơ văn hoá ăp dak, ăp nkual ƀon têh, bah nê ntrôl dăng tâm nđŭr ƀon lan n’hanh tâm  gĭt wât nsum./.