Jêh rnôk vơt ueh rjăp geh ƀư tâm ôi 24/7 tĭng mông dakl nê, lah kêng măng 24/7 tĭng mông Việt Nam, Kruanh dak Võ Văn Thưởng ndrel Tổng thống Alexander Van der Bellen hŏ geh rnôk tâm mâp tâm dăch ndrel jêh nê ndrel ƀư tơm nau tâm nchră đah ăp rmôt kan ntoh măt gưl prêh bar dak.

Tâm nau khuch ueh, tâm dăch rjăp, nau tâm boh ndrel pơk m’ak, bar rđau kan hŏ mbơh nkoch nsum mpeh nau dôl geh bah dak nơm, tâm nchră tât nau rƀŏng ndrel nau kan gay ma ntrŭt dăng, ƀư rjăp lơn tay nau tâm boh kan nsum ndrel tâm boh bah âk nau kan Việt Nam ndrel dak Áo.

Kruanh dak Võ Văn Thưởng đă bar ding ân lŏ tâm rgop ngăn, rjăp, ndăn săk tam ndrel ăp nau geh dơi bah nau tâm ton dah rŏng tăch rgâl Việt Nam-EU (EVFTA) tâm nê geh nau kan uănh nau nơih lơn ân nau tâm boh ăp ntil nau kan tăch luh ndoh ndơ geh nau dăng bah ăp dak gay ma geh tăch rgâl bah bar ding, Áo geh nau kan bonh đă, pơk trong nơih ân ntŭk kan tăch rgâl bah Áo ƀư ueh nau ntuh kơl trong loih, ndơ dŏng dak si, dược phẩm....Bar ding tâm ban n’hao nau kan tâm boh mpeh nau kan ntĭm nti, văn hoá-nghệ thuật, thể thao, ntrŭt dăng ăp nau kan tâm n’ur ƀon lan./.