Ôi 21/8, ta ntŭk kan Kruanh dak, Kruanh dak Võ Văn Thưởng hŏ tâm nchră đah Tổng thống Kazakhstan Kasym-Jomart Tokayev di rnôk khâl ngăn Việt Nam lơ 20-22/8. Tâm rnôk tâm nchră, bar rđau kan lah rjăp nau khlay bah nau ntrŭt dăng nau tâm nchră ăp gưl, ngăn lah gưl prêh, bar ding ntrŭnh ân geh săk tam nau kan tâm boh dôl geh kơt lah đah ăp n’gâng kan, nkuăl gay ma n’hao nau tâm gĭt rbăng, tâm rnơm, njêng nau tâm boh ân âk nau kan đah bar ding.

Bar ding tâm ban nau lŏ ntrŭt dăng nau tâm boh rjăp ndrel tâm kơl nsum tâm ăp nau tâm nchră âk ding, ngăn lah Liên hợp quốc. Rơh tâm nchră gưl prêh mpeh nau tâm rgop nau kan ndrel ăp nau tâm boh ndâk nau rnơm tâm Châu Á, lah rjăp Việt Nam mra lah ntung njŏ gay ma Kazakhstan n’hao nau tâm boh đah ăp dak tâm nkuăl Đông Nam Á ndrel Kazakhstan mra lah ntung nthoi gay Việt Nam n’hao nau tâm boh đah ăp dak Trung Á./.