Njoăl ăp nău răm rhơn ueh tât mpôl nai dak si di rơh nar nai  dak si Việt Nam. Kruanh dak Võ Văn Thưởng lah na nê̆, nău kan ƀư nai dak si lah nău kan dŭt khlăy, mât chăm săk soan an nuĭh ƀon lan n’hanh nsĭt tât an ăp rnăk vâl, nău rêh jêng ăp nău mĭn ueh, kruanh dak ŭch ăp nai dak si, ngih dak si Nhi đồng 1 n’hao nău ueh ăp nău dơi geh tâm ba năp nơh, nkre lah nău nsrôih, an geh tay ăp nău dơi mhe yor nău dơi way geh nău ntul rlong mhe gay ma rlet rlău, an geh nău nsrôih mô rlu.

Kruanh dak ntĭnh ntăn nuĭh leo kan nkuăl ƀon têh, ăp gâl kan, ăp n’gâng kan mât uănh, n’hao nău dơi nău rêh an nai dak si, nuĭh kan tâm n’gâng kan dak si, mô rlu pă ăp ndơ dŏng tâm n’gâng kan dak si, uănh khlăy tât nău ntĭm nti tay mpôl nai dak si ba kơi ngăn lah ăp nai dak si mom hăn nti kơt nău gĭt ăp ngih dak si êng ta ăp dak geh n’gâng kan y học hun hao gay ma n’hao nău dơi, nău way ơm bâh ngih dak si tâm let năp tay.