Aƀaơ geh klâp ma 100 rbăn nuĭh Việt Nam dôl rêh n’hanh pah kan, gŭ nti ta dak Anh, ta ăp nkual neh, mpeh mper dak Anh.

Năm 2023, kahgĭt 50 năm njêng nău tâm boh kan nchră nău đah dak Việt Nam- Anh, Đại sứ quán n’hanh ăp ntŭk kan, mpôl kan dôl geh mbơh tơih âk ntrong kan, bôk nău mbơh tơih tĭng nău rŏng ueh bâh ƀon tơm, neh dak, kruanh dak Võ Văn Thưởng an lah, nău pah kan bâh ăp gâl kan ntop ueh âk ta nău n’hao nău kan, nău knơm nuĭh Việt ta dak Anh. Kruanh dak Võ Văn Thưởng ŭch ƀon lan nuĭh Việt Nam ta dak Anh ƀư tĭng pháp luật n’hanh lăp kan ueh lơn đah dak ta ntŭk, geh rlet rlău nău jêr, nău kŏ văk gay ma dơi geh tay nău dơi mhe. Ngăn lah, an geh mât ueh nău tâm rnglăp, tâm rgop ta ntŭk rêh jêng, mpŏng sĭt let ƀon tơm neh dak, mât nău ueh, nău way mpôl rnoi.