Ôi 10/4, Kruanh dak Võ Văn Thưởng hŏ tât Thủ đô Vientiane, ntơm hăn khâl ngăn dak Cộng hòa dân chủ nhân dân Lào. Hăn khâl Lào bah Kruanh dak mpơl nău ŭch kơl dăng, lam lĕ rngôch bah Việt Nam đah rơh rgâl mhe, dâk tay n'hanh hun hao wăng sa- rêh jêng kon nuĭh, lăp rgum dak bah dih bah dak băl Lào.

Tâm rnôk hăn khâl Lào, Kruanh dak Võ Văn Thưởng geh rơh tâm nchră ndrel đah Tổng Bí thư, Kruanh dak Lào uănh saơ Lễ ký siƀŭt tâm boh đah ăp n'gâng kan, ăp n'gor bar dak. Kruanh dak hŏ geh rơh ôp srĭng nău đah Thủ tướng n'hanh Kruanh Quốc hội Lào; wơt Kruanh trung ương Mặt trận Lào rdâk njêng neh dak, wơt Kruanh Trung ương Hội tâm rnglăp Lào- Việt Nam; râng jă ngêt sa ngăn bah Tổng Bí thư, Kruanh dak Lào; khâl Đại sứ quán ta Lào n'hanh mâp mpôl ntơh măt nuĭh Việt Nam ta Lào.