Kêng măng 17/4, ta ntŭk kan Kruanh dak, Kruanh dak Võ Văn Thưởng vơt ăp ntoh măt tă bah ăp dak ASEAN tât mbah ndrel rhơn di rnôk geh săch ƀư Kruanh dak Cộng hoà xã hội chủ nghĩa Việt Nam. Ntoh măt ăp nŭih kan bah ASEAN, Nŭih kan bah ASEAN-dak ƀư Kruanh ASEAN năm 2023, njoăl nau rhơn ndrel nau ôp khâl ueh lăng bah rđau kan Inhonesia ndrel ăp dak ASEAN tât Kruanh dak Võ Văn Thưởng. Păng lah rjăp, tâm 28 năm rlau aơ, Việt Nam ƀư nau kan khlay tâm nau n’hao nau tâm rnglăp ndrel nau ƀư kơl an bah ASEAN kŏ kơt lah tâm nau ndâk nau rƀŏng trong nsum mpôl ASEAN jêh năm 2025.

Nau hun hao GDP năm 2022 bah Việt Nam tâm rnoh 8.02% mra ntop tay nau nsôih ân hun hao văng sa bah nkuăl. Nŭih ntoh măt bah Indonesia, ntoh măt bah ăp dak tâm ASEAN, ton, ăp nŭih ƀư nau kan ntoh măt mra kơl an ndrel rgop săk tam gay ma ntrŭt dăng nau tâm boh kan nsum đah Việt Nam ndrel ăp dak ASEAN, nkre ntoh nau rnơm, đah nau rđau kan ueh bah Kruanh dak, nau tâm boh kan nsum bah Việt Nam ndrel ăp dak tâm ASEAN mra ƀư tâm rnglăp ndrel hun hap rjăp, jru, rgop nau khlay tâm nau mât, đăp mpăn, nâp nâl tâm nkuăl./.