Ta rơh vơt, kruanh dak Võ Văn Thưởng lah na nê̆, Việt Nam way uănh khlăy tâm boh kan lĕ rngôch đah Liên bang Nga, uănh aơ lah dak kan ndrel dŭt khlăy bôk năp.

Việt Nam ŭch ntrôl nău tâm kơl Việt-Nga ăp nar lơ ma hăn jru lơn n’hanh săk rnglăy lơn, an tâm di đah nău geh ngăn ngên bâh 2 mpôl rnoi, yor nău đăp mpăn, ueh lăng n’hanh hun hao ta nkual n’hanh ta lam ntur neh. Uănh rnê nău geh tâm kơl ueh bâh n’gâng kan Tòa án 2 dak, kruanh dak Võ Văn Thưởng ŭch nău 2 ntŭk kan mât nău tâm mbơh pah kan, tâm rgop tâm nău way kan, mât uănh năl nău geh tâm kơl ăp năm n’hanh ntop tay ăp nkô̆ nău tâm kơl kan mhe tĭng trong ăp nar lơ ma ngăn ngên n’hanh săk rnglăy lơn. Kruanh dak knơm tâm let năp tay, n’gâng kan Tòa án 2 dak mbra hun hao tâm kơl tay lơn, tâm rgop âk ta nău hun hao bâh ăp ngih dak, tâm ban kơt mât ueh nău tâm kơl way ơm đah 2 dak.