Kêng măng 10/7, Kruanh dak hŏ vơt nŭih kan ntoh măt bah dak Pháp Nicolas Warnery tât ntĭnh di lôch năn gŭ kan ta Việt Nam. Kruanh dak Võ Văn Thưởng ŭch ndrel rnơm, bol ma tâm boh nau kan, nŭih kan ntoh măt mra lŏ ân ăp nau ueh mpeh neh dak, kon nŭih Việt Nam, lah ntung njŏ ntrŭt dăng rjăp tâm nau tâm boh vay ơm ndrel tâm boh ƀư nau kan nsum Việt Nam-Pháp. Rhơn ân wa Nicolas Warnery ƀư jêh ueh nau kan ta Việt Nam, Kruanh dak lah rjăp, 50 năm rlau aơ, nau tâm boh Việt Nam-Pháp hŏ geh dơi ăp nau kan dŭt n’hâm khlay, ngăn lah tâm rnôk 10 năm ndâk nau tâm boh kan nsum.

Việt Nam lah ueh nau nsôih kơl an ueh lăng bah Pháp hŏ kơl an âk rkeh dĭng vắc xin njrăng srê Covid-19. Gay n’hao nau tâm boh 2 dak tâm rơh tât, Kruanh dak đă 2 ding lŏ ntrŭt dăng ăp nau tâm mâp, tâm nchră, ăp rơh hăn khâl bah rđau kan gưl preh. Bah nŭih kan ntoh măt, Kruanh dak njoăl nau jă ndrel mbơh Việt Nam mra vơt Tổng thống Emmanuel Macron tât khâl Việt Nam tâm rnôk tâm di ngăn./.