Kêng măng 17/3, ta Ntŭk kan Kruanh dak, Kruanh dak Võ Văn Thưởng vơt ntoh măt Australia ta Việt Nam. Ntoh nau rhơn rnôk vơt nŭih kan ntoh măt bah dak ba dih tâm nau kan mhe, Kruanh dak Võ Văn Thưởng rnê ăp nau rgop ngăn bah nŭih măt bah Australia kơp ntơm rnôk ndơn nau kan mhe ta Việt Nam đah âk nau kan tâm nchră đah dak ba dih, rgop nau khlay mpeh nau ƀư nâp ndrel n’hao nau tâm boh kan nsum Việt Nam-Australia.

Kruanh dak rnê prêh nau dơi ntoh lư bah Australia, ngăn lah tâm nau kan ndâk ndrel hun hao văng sa jêh rnôk bah srê ndrel nau rnơm bah neh dak Australia mra lơn ma hun hao, geh dơi âk nau mhe tâm rơh tât. Việt Nam lah ueh Australia lah nau kơl an vắc xin têh ngăn tal 2 kơl an ân Việt Nam 26,4 rkeh dĭng vắc xin njrăng rdâng srê Covid-19, bah nê rgop nau kơl an Việt Nam ntrŭt jăng lơi srê, ngăch ndâk ndrel hun hao văng sa, rêh jêng./.