Ôi 15/8, ta Ntŭk Kruanh dak, Kruanh dak Võ Văn Thưởng wơt wa Samina Naz, Đại sứ Đặc mệnh toàn quyền Bangladesh tât ôp ngơi ntĭnh lôch năm kan ta Việt Nam. Ta nar wơt, Kruanh dak mbah rhơn Đại sứ Samina Naz lĕ lôch jêh uĕh tâm 6 năm pah kan ta Việt Nam; uănh lah prêh ăp nău rgop têh n’hanh săk rnglăy bah wa Samina Naz tâm nău kan ƀư jru tâm boh kan ndrel Việt Nam-Bangladesh tâm năm bah năp.

Kruanbh dak nsing nơm bôl tâm moh nău kan, Đại sứ mbra an âk nău rŏng uĕh đah neh dak, kon nuĭh Việt Nam, nuĭh băl dăch dêh, mô rlu rgop n’hanh mât tâm boh đah dak Việt Nam n’hanh Bangladesh. An lah tâm boh kan ndrel hôm e âk, Kruanh dak đă 2 dak n’hao kan ndrel tâm năm tât, ngăn lah tâm rgop mpôl gưl prêh n’hanh ăp gưl gay bah nĕ, ntrôl kan ndrel lĕ rngôch.