Ôi 9/6, Kruanh dak Võ Văn Thưởng wơt wa bu ur Marinela Petkova, Đại sứ Bulgaria, tât ntĭnh sĭt dŭt jêh năm kan ta Việt Nam. Kruanh dak Võ Văn Thưởng mbah rhơn Đại sứ lôch jêh uĕh năm kan ta Việt Nam đah âk nău rgop khlay tâm nău hun hao tâm boh tâm rnglăp way ơm n’hanh n’hao dăng tâm boh âk ntil đah bar dak. Uănh năl, tâm bah ri aơ, tâm boh tăch rgâl bar ding n’hao dăng, yơn lah kruanh dak mĭn lah, nău dơi mô hŏ tâm di đah săk geh n’hanh ŭch rŏng bar dak ntrŭt ntrôl tâm boh tăch rgâl âk lơn đŏng.

Bar ding ơm ƀư rơh hop tâl 24 bah Ủy ban bar Chính phủ Việt Nam- Bulgaria mpeh tâm boh wăng sa, tăch rgâl n’hanh khoa học-kỹ thuật tâm năm 2023; dăn đă Bulgaria ơm uănh an dŏng Hiệp định mât njrăng ntuh kơl Việt Nam - EU, nta trong dơh an mpôl doanh nghiệp n’hanh ăp nuĭh ntuh kơl EU, Bulgaria n’hanh Việt Nam râng nsrôih lơn đŏng tâm nău tâm ntuh kơl. Bar ding tâm boh tay, tâm kơl nsum ta ăp rgum nchră lam ntŭr neh./.