Kêng măng 30/6, ta Nhih pah kan Kruanh dak, Kruanh dak Võ Văn Thưởng wơt wa Bu ur Oh Youngju, Đại sứ Hàn Quốc ta Việt Nam tât ntĭnh sĭt. Kruanh dak Võ Văn Thưởng mbah rhơn Đại sứ Oh Youngju rhơn n’hao dơn nău kan mhe; nsing nơm n’hanh ŭch rŏng wa bu ur Oh Youngju mbra way ŭch tĭng n’hanh ntrŭt ntrôl dăng tay tâm boh têh jong lam lĕ rngôch Việt Nam – Hàn Quốc tâm let năp tay.

Kruanh dak rnê âk Đại sứ Oh Youngju ƀư lôch jêh nău kan ta Việt Nam, geh ăp nău rgop khlay tâm nău ntrŭt ntrôl tâm boh bar dak, lơn lah râng ƀư bar nău kan khlay: Kruanh dak Việt Nam khâl Hàn Quốc kêng dŭt năm 2022 n’hanh hăn khâl Gưl ngih dak tât Việt Nam bah Tổng thống Hàn Quốc mhe aơ. Ta rơh wơt, Đại sứ Hàn Quốc Oh Youngju nkah tay nău jă bah Tổng thống Yoon Suk Yeol tâm rơh  mâp ta Hà Nội, jă Kruanh dak Võ Văn Thưởng n’hanh I ur ơm khâl Hàn Quốc. Kruanh dak rhơn mƀak dơn nău jă n’hanh an gĭt, hăn khâl mbra dơi dăp rgum tâm mông nar tâm di./.