Ôi 5/6, ta Nhih pah kan kruanh dak, Kruanh dak Võ Văn Thưởng wơt Đại sứ đặc mệnh toàn quyền Hoa Kỳ ta Việt Nam Marc Evans Knapper. Ta rơh wơt, Kruanh dak Võ Văn Thưởng rnê âk wa Đại sứ tâm bah ri aơ hŏ nsrôih geh ăp rơh pah kan đah ăp nhih pah kan dơi kan bah Việt Nam; hăn khâl âk n’gor gay ntrŭt ntrôl tâm boh đah bar dak nar lơn ma lăp jru n’hanh geh nău tam.

Đại sứ lah rjăp, Hoa Kỳ mbra tâm  boh lhăt tay đah Việt Nam tâm nău nkra bah khuch khat tâm lơh an tay, lĕ ma nău nkra tât khuch bah dak si khêh dioxin an tay, ra joi bom mìn n’hanh joi nuĭh roh lôch bah tâm  lơh. Gay pah kan jru hvi tay lơn tâm boh Việt Nam-Hoa Kỳ tâm let năp tay, Kruanh dak dăn đă bar ding n’hao dăng lơn  âk trong tâm hăn khâl nsum, tâm mâp  gưl têh n’hanh ăp gưl; ntrŭt ntrôl âk lơn đŏng bôk nău kan, trong nchrăp tâm boh bar ding kalơ ăp trong kan, nsĭt tay nău geh ngăn ngăn an lĕ bar dak, nkre nsrôih rgop an đăp mpăn, tâm boh n’hanh hun hao ta nkual n’hanh lam ntŭr neh.