Kêng măng 3/7, ta Nhih pah kan Kruanh dak, Kruanh dak wơt wa Giorgio Aliberti Đại sứ- Kruanh mpôl đă hăn kan Liên minh châu Âu ta Việt Nam tât ntĭnh sĭt lôch jêh năm kan. Kruanh dak mbah rhơn Đại sứ hŏ lôch jêh uĕh lăng năm pah kan ta Việt Nam, rgop ƀư jru hvi lơn tâm boh tâm rnglăp n’hanh tâm boh lam lĕ rngôch đah Việt Nam n’hanh EU. Kruanh dak nsing nơm, kalơ nău kan mhe, Đại sứ mbra rgop tay tâm nău ntrŭt ntrôl tâm boh uĕh lăng đah Việt Nam n’hanh EU.

Kruanh dak rnê âk Đại sứ EU tâm năm kan rlău aơ hŏ geh âk nău rgop khlay ntrŭt ntrôl tâm boh Việt Nam-EU; lơn lah nău bar ding ký ton EVFTA n’hanh ntrŭt ntrôl ăp dak lăp kan nsum tâm EU ơm uănh an dŏng EVIPA. Kruanh dak Võ Văn Thưởng rhơn an gĭt, tâm ăp rơh mâp đah kruanh rđău kan gưl têh ăp dak EU mhe  aơ, ăp kruanh rđău kan an gĭt, ăp doanh nghiệp EU rnê âk ntŭk ntuh kơl bah Việt Nam n’hanh Việt Nam dôl nsrôih ƀư rgâl soih uĕh tay tâm trong kan dja.