Kêng măng 20/4, ta Nhih pah kan kruanh dak, Kruanh dak Võ Văn Thưởng wơt wa Thongsavanh Phomvihane, Kruanh Ban Đối ngoại Trung ương Đảng Nhân dân Cách mạng Lào. Mbah rhơn wa Thongsavanh Phomvihane lor bôk năp hăn khâl Việt Nam ta nău kan mhe, Kruanh dak Võ Văn Thưởng nsing nơm, hăn khâl mbra ntrŭt ntrôl dăng tâm boh đah bar Ban Đối ngoại bar Đảng; rgop n’hao geh nău tam lơn đŏng tâm boh lam lĕ rngôch đah bar Đảng bar dak tâm let năp tay.

Kruanh Ban Đối ngoại Trung ương Đảng Nhân dân Cách mạng Lào an gĭt, bar nhih pah kan way ƀư mbro ăp nău kan tâm khâl nsum; dơn ngoăy trong nchrăp, tâm boh tâm năm 2023 n’hanh tâm nchră ăp nkô̆ nău ndrel uănh khlay tâm ban kơt trong rƀŏng tâm boh tâm let năp tay. Kruanh dak dăn đă bar Ban Đối ngoại bar Đảng ân tâm pă âk nău tă ơm gĭt kan ta lĕ rngôch ăp trong pah kan đah nuih n’hâm krêp dêh tâm pah kan n’hanh tâm rŏng băl mpôl oh nô; tâm kơl nsum tay ta ăp trong rgum nchră tâm nkual n’hanh lam ntŭr neh./.