Kêng măng (14/6), ta Nhih pah kan kruanh dak, Kruanh dak Võ Văn Thưởng wơt Kruanh Quốc hội Cộng hòa Bờ Biển Ngà Adama Bictogo dôl  khâl ngăn Việt Nam tĭng nău jă bah Kruanh Quốc hội Vương Đình Huệ. Ta rơh wơt, Kruanh dak lah rjăp, Việt Nam uănh khlay ntrŭt ntrôl tâm boh tâm rnglăp đah ăp dak băl  mpôl châu Phi, tâm nê geh Bờ Biển Ngà dơi ntrŏng lah ngoăy tâm ăp băl tâm boh khlay.

Bar ding nsing nơm nău ký ton n’hanh an ƀư siƀŭt nchih nkah tâm boh đah bar Quốc hội mbra ơm ƀư jru hvi lơn tâm boh tâm rnglăp n’hanh tâm boh âk ntil đah bar dak tâm let năp tay. Bar kruanh rđău kan tâm ban ŭch ân ntrôl dăng lơn đŏng tâm boh tăch rgâl tĭng trong rƀŏng jŏ jong geh nău tâm ban nta trong dơh gay pơk hvi tăch n’gluh nsum tâm ban kơt ntŭk tăch rgâl ta nkual ASEAN n’hanh châu Phi. Bar kruanh rđău kan lah rjăp đŏng nău an ntrŭt ntrôl n’hanh  pơk hvi lor ăp trong tâm  boh tuch tăm, ntuh kơl./.