Kêng măng 17/5, ta Nhih pah kan kruanh dak, Kruanh dak Võ Văn Thưởng wơt wa Jadamba Enkhbayar, Thư ký Hội đồng rnă njrăng neh dak Mông Cổ n’hanh mpôl dôl geh hăn khâl n’hanh pah kan ta Việt Nam. 

Rnê âk wa Jadamba Enkhbayar n’hanh Mpôl mpeh nău dăn đă tâm boh, kruanh dak Võ Văn Thưởng nkoch kloh, Việt Nam n’hanh Mông Cổ lah bar dak băl way ơm, ƀon lan bar dak geh nău tâm rŏng krêp dêh  jŏ jong. Bơi 70 năm aơ, tâm boh tâm rnglăp bar dak mô rlu dơi rdâk hao dăng. Ta rơh wơt, Kruanh dak Võ Văn Thưởng an lah, nsing ta nău dơi geh khlay  tâm boh bar ding, bar dak mbra ndrel nsrôih ntrŭt ntrôl n’hao khlay tâm boh lam lĕ rngôch lơn tâm rơh mhe. Gay ƀư jêng ngăn ngăn nău ŭch dja, kruanh dak đă bar ding tâm khâl âk mpôl lĕ ma ta trung ương n’hanh ta n’gor; bah nê n’hao nău tâm gĭt wât nsum, tâm nsing nơm nsum; an ƀư ăp trong nta dơh lơn đŏng an nău kan tâm nđŭr, tâm rsong đah ƀon lan bar dak.