Ta nar wơt, 2 nuĭh kruanh nkoch nău tâm ŭch ta năp nău hun hao têh dăng bah tâm boh 2 dak jêh 50 năm ndâk njêng tâm boh tâm rnglăp nchră nău, nsĭt tay nău uĕh ngăn ngên an nuĭh ƀon lan 2 dak n’hanh rgop uĕh an tâm rnglăp, đăp mpăn bah nkual n’hanh lam ntŭr neh; tâm ban ŭch n’hao lơn tay nsing nơm chính trị đah 2 dak, uănh aơ lah nkô̆ nău khlay an hun hao tâm boh 2 dak hao prêh mhe tâm năm tât.

Tâm rgâl mpeh ăp nău nkual n’hanh lam ntŭr neh, 2 ding tâm ban ŭch tâm kơl ndrel n’hanh kan ndrel rjăp ta rƀŭn nkual n’hanh lam ntŭr neh, ngăn lah Liên hợp quốc, APEC, ASEAN n’hanh ăp trong kơl bah ASEAN leo. Thủ tướng Australia mĭn lah tay nău mĭn êng Australia mpeh kơl ryơk pháp luật lam ntŭr neh ta nkual n’hanh mkra tâm pit ta Biển Đông đah ăp trong đăp mpăn, tâm di đah luật pháp lam ntŭr neh, lơn lah UNCLOS 1982.