Kêng măng 21/7, ta Ntŭk Kruanh dak, Kruanh dak Võ Văn Thưởng lĕ wơt Thủ tướng Malaysia Anwar Ibrahim di rơh khâl na nê̆ Việt Nam. Rnê n’hanh wơt rhơn Thủ tướng Malaysia rơh bôk năp khâl Việt Nam ta nău ƀư Thủ tướng, Kruanh dak lah rjăp rơh khâl kơl n’hâm soan mhe an tâm boh kan ndrel đah 2 dak.

Mbah rhơn Chính phủ Malaysia lĕ mbơh ƀư lôch uĕh ăp nău kơl hun hao wăng sa, rêh jêng, Kruanh dak nsing nơm, Malaysia mbra ƀư tĭng lôch uĕh trong nchrăp 5 năm rơh tal 12 n’hanh nău kan têh Malasia Madani, kơl neh dak hun hao nâp nâl n’hanh uĕh lăng, geh n ău ƀư tơm n’hanh jâng nsan nar lơ hao ta nkual n’hanh lam ntŭr neh. 2 kruanh rnê rhơn ntrôl tâm boh n’ăp Đảng, Ngih dak, Chính phủ; ntrôl dăng kan ndrel mât njrăng bri dak, rnă njrăng, wăng sa, tăch rgâl, ntuh kơl, ntĭm nti, pâl nđaih, văn hóa, tâm nđŭr nuĭh ƀon lan.