Nkhêp di Tết Nguyên đán Giáp Thìn 2024, Kruanh Quốc hội Vương Đình Huệ n’hanh Mpôl đại biểu Ủy Thường vụ Quốc hội, ăp ngih pah kan bah Quốc hội lĕ mpoh nhàng nkah gĭt Kruanh Hồ Chí Minh ta jay 67, Nkual di tích Kruanh Hồ Chí Minh ta ntŭk kruanh dak. Tâm mông narr rngot rngăt, ndơn măt Quốc hội, nuĭh ntoh măt ƀon n’hanh n’hanh ƀon lan lam dak, Kruanh Quốc hội Vương Đình Huệ lĕ mpoh nhang mbơh  nuih n’hâm nkah gĭt dŭt têh đah Kruanh Hồ Chí Minh. Kruanh Quốc hội mbơh n’hâm soan bah năp Wa, năm 2023, Quốc hội lĕ lôch uĕh âk nău kan dŭt têh.

Rơh bôk năp tâm lịch sử 78 năm pah kan, Quốc hội lĕ ƀư âk rơh rƀŭn nchrăk âk ngăn tâm du năm đah 5 rơh rƀŭn, uănh mĭn tay, ntrŭnh ngăch 84 nău têh, khlay bah neh dak, tâm di nău ŭch ndal bah nău ngăn, nta an ntrŭt nău ƀư tĭng nău kan năm 2024 n’hanh ăp năm bah kơi tay. Ta năp huêng phan bah wa, Kruanh Quốc hội Vương Đình Huệ n’hanh mpôl Đại biểu ŭch ƀư tĭng săk rnglăy ăp nău kan tĭng nuih n’hâm rgâl mhe tay, hăn ndrel rjăp đah Chính phủ, đah nuĭh ƀon lan n’hanh nsum mpôl doanh nghiệp, ntrôl nău hun hao ngăch, nâp nâl bah neh dak, nsĭt tay nău rêh hơm răm, uĕh lăng an ăp nuĭh ƀon lan, ndơ̆ neh dak hăn ndrel đah ăp dak kơt nău ŭch bah nuĭh lor rnôk roh.