Mbah rhơn ăp Đại sứ dơn kan ta Việt Nam, Kruanh dak lah rjăp, đah nău blău ơm pah kan, nău rŏng an neh dak, kon nuĭh Việt Nam, nău kơl bah ăp ngih pah kan dơi kan Việt Nam, ăp đại sứ mbra lôch uĕh nău kan tâm năm kan. Wơt Đại sứ ăp Tiểu vương quốc Ả-rập Thống nhất (UAE), Kruanh dak Võ Văn Thưởng an lah, 2 dak geh trong ơm ndơ̆ prăk geh tăch n’gluh ăp ding geh 10 rmen đôlar. 2 ding an n’hao tâm boh chính trị, tâm rnglăp nchră nău bah dih.

Wơt Đại sứ Sri Lanka Sajewa Umanga Mendis, Kruanh dak Võ Văn Thưởng mĭn lah, Việt Nam uănh khlay hun hao tâm boh dăch dêh way ơm n’hanh kan ndrel âk ntil đah Sri Lanka. 2 ding an ntrôl kan ndrel mpeh tăch rgâl, ntuh kơl, tâm pă nău blău ơm jŭt n’hŭch ach o, hun hao kon nuĭh, ntĭm nti, dak si, văn hóa.

Wơt Đại sứ Chile, Kruanh dak Võ Văn Thưởng răm rhơn gĭt saơ nău tâm boh Việt Nam-Chile dơi rgum mât, 2 dak dơi ntrôl kan ndrel gay n’hao nău tâm boh tâm năm tât.