VOV4.M’nông – Kêng măng, ta Ntŭk kruanh dak, Kruanh dak Nguyễn Xuân Phúc lĕ wơt ăp mpôl năch dak bah dih râng Đại hội Chữ thập đỏ Việt Nam, yor wa Jagannath Chapapgain, Tổng thư ký Hiệp hội Chữ thập đỏ-Trăng lưỡi liềm đỏ quốc tế leo trong. Kruanh dak Nguyễn Xuân Phúc rnê wa Jagannath Chapapgain n’hanh ăp mpôl ntoh măt dak bah dih râng Đại hội 11 Hội chữ thập đỏ Việt Nam.

Kruanh dak Nguyễn Xuân Phúc mâp ăp nuĭh ntoh măt dak bah dih râng Đại hội Hội chữ thậpj đỏ Việt Nam.

Kruanh dak uănh lah prêh Hiệp hội, Ủy ban Chữ thập đỏ quốc tế n’hanh ăp dak kan ndrel dak bah dih, lĕ kơl dŭt n’hâm, săk rnglăy đah Hội chữ thập đỏ Việt Nam n’hanh nuĭh ƀon lan lan Việt Nam, ngăn lah đah ăp nuĭh dơh geh nău khuch, nuĭh rmanh tâm lơh tâm su, nuh srê mhe rlău. Kruanh dak Nguyễn Xuân Phúc an gĭt, Việt Nam geh khuch hô bah rgâl trôk nar, jêng ŭch Hiệp hội n’hanh ăp dak kan ndrel dak bah dih ntop kơl mô mplơ̆ tay ăp bôk nău kan, nău nchrăp ƀư tâm nău kan aơ, gay kơl nuĭh ƀon lan khuch, nkre ƀư tĭng nău rƀŏng mât njrăng ntŭk ntô, n’hŭch ndŏk nja ka su.

Nuĭh rblang: Y Sưng Phê Ja