VOV4.M'nông: Kêng măng 11/2, ta Nhih pah kan Kruanh dak, Kruanh dak Nguyễn Xuân Phúc wơt Đại sứ Hoa Kỳ n'hanh Đại sứ Mexico hao ndơ̆ si ƀŭt neh dak. Wơt Đại sứ Hoa Kỳ, wa Marc Evans Knapper hao ndơ̆ si ƀŭt neh dak, Kruanh dak Nguyễn Xuân Phúc rhơn Đại sứ hŏ dơi Tổng thống Joe Biden jao nău dơn kan mhe n'hanh mbah rhơn Đại sứ hŏ plơ̆ tay Hà Nội. Kruanh dak rnê âk Đại sứ tâm rnôk pah kan ta Đại sứ quán Hoa Kỳ ta Việt Nam năm kan 2004 - 2007 hŏ rgop khlay ntrŭt ntrôl tâm boh bar dak.

Kruanh dak nsing nơm tâm năm pah kan ta Việt Nam, Đại sứ mbra nsrôih rgop âk lơn đŏng tâm nău ntrŭt ntrôl tâm boh Việt Nam n'hanh Hoa Kỳ. wơt Đại sứ Mexico hao ndơ̆ si ƀŭt, Kruanh dak mbah rhơn wa Alejandro Negrin Munoz hŏ dơi n'hao an ƀư Đại sứ Đặc mệnh toàn quyền Liên bang Mexico ta Việt Nam, nkre nsing nơm Đại sứ đah nău ơm gĭt kan âk tâm boh dak bah dih mbra ƀư lôch jêh uĕh nău kan, rgop rgâl mhe tâm boh tâm rnglăp way ơm n'hanh tâm boh âk ntil đah bar dak./.

Nuĭh rblang: Điểu Thân