VOV4.M'nông: Kêng măng 24/8, ta Nhih pah kan kruanh dak, Kruanh dak Nguyễn Xuân Phúc wơt Mpôl ntơh măt Ban Druh ndăm, Đảng Dân chủ Tự do Nhật Bản tă bah Hạ Nghị sĩ Suzuki Norikazu n'hanh Thượng Nghị sĩ Sato Kei, ndrel ƀư tơm Kruanh Ban Druh ndăm Đảng Dân chủ Tự do Nhật Bản ƀư Kruanh mpôl leo hăn pah kan ta Việt Nam.

Ta rơh wơt, Kruanh dak Nguyễn Xuân Phúc rnê âk n'hanh rhơn ăp nghị sĩ mom Đảng Dân chủ Tự do Nhật Bản hŏ geh ăp nău gĭt jru mpeh tâm boh way ơm, nău rŏng uĕh lăng đah bar dak. Tâm let năp tay, Kruanh dak Nguyễn Xuân Phúc dăn đă Ban Druh ndăm Đảng Dân chủ Tự do Nhật Bản ntrŭt ntrôl tâm boh Việt Nam-Nhật Bản, lơn lah ntrŭt ntrôl nău tâm nsing nơm chính trị, tâm khâl mpôl gưl têh n'hanh ăp gưl. Kruanh dak Nguyễn Xuân Phúc dăn đă Nhật Bản ntop kơl, tâm boh Việt Nam tâm âk trong kan, ntrŭt ntrôl tâm boh dâk hao tay wăng sa lôch bah nuh srê, lơn lah tâm ăp trong kan ntuh kơl, tăch rgâl, ODA rơh mhe, rgâl blău ƀư mhe, rgâl mbrô, rgâl kloh uĕh./.

Nuĭh rblang: Điểu Thân