Kruanh Hội đồng neh dak Thụy Sĩ Martin Candinas hŏ tât Hà Nội, ntơm hăn khâl ngăn Việt Nam ntơm bah nar 27 tât 30/6 tĭng nău jă bah Kruanh Quốc hội Vương Đình Huệ. Hăn khâl ngăn Việt Nam rơh dja bah Kruanh Hội đồng neh dak Thụy Sĩ mpơl nău ŭanh khlay bah Thụy Sĩ đah Việt Nam.

Thụy Sĩ ŭch n’hao dăng tâm boh đah bar dak, lơn lah ta trong kan wăng sa, tăch rgâl n’hanh nsrôih rƀŏng tât ký ton Hiệp định dah rŏng tăch rgâl Việt Nam n’hanh Khối Mậu dịch tự do châu Âu (EFTA). Aơ lah nău kan tâm boh dak bah dih nghị viện khlay nthoi tay trong tâm khâl gưl têh đah bar dak lôch bah nuh srê COVID-19. Tâm rnôk hăn khâl, lôch lễ wơt, Kruanh Hội đồng neh dak Thụy Sĩ Martin Candinas tâm nchră đah Kruanh Quốc hội Vương Đình Huệ n’hanh hăn khâl dơm Kruanh dak Võ Văn Thưởng n’hanh ôp srĭng nău Thủ tướng Chính phủ Phạm Minh Chính; pah kan đah Bộ trưởng Bộ Công Thương Nguyễn Hồng Diên.