VOV4.M’nông- Di rơh tết way ơm Chôl Chnăm Thmây năm 2022, ndơn kan an Ủy ban trung ương MTTQ Việt Nam, Bí thư trung ương Đảng, kruanh Ủy ban trung ương MTTQ Việt Nam Đỗ Văn Chiến njoăl săm ƀŭt rhơn tât ăp chư tăng n’hanh âk ƀon lan rnoi Khmer. tâm săm ƀŭt njoăl, wa Đỗ Văn Chiến njoăl nău ôp khâl tât chư tăng n’hanh ƀon lan rnoi Khmer ta ăp mpeh mper neh dak nău ôp khâl, nău mbah rhơn du năm mhe ngăch dăng, ƀŭn lap, âk nău ueh lăng. Vơt rhơn tết Chôl Chnăm Thmây 2022, wa Đỗ Văn Chiến ŭch ăp nuĭh Chư tăng n’hanh ƀon lan rnoi Khmer n’hao tay nău way ơm ueh bâh mpôl rnoi, tâm rnglăp du nuih n’hâm ndrel đah lĕ Đảng, lĕ ƀon lan, lĕ tahen ntrôl dăng ăp nău kan tâm rlong rŏng dak, nsrôih ƀư dơi ăp nkô̆ mpŏng hun hao wăng sa rêh jêng lĕ geh trung ương, ta ntŭk kan, uănh khlăy ƀư tĭng ueh ăp ntrong kan mât njrăng nuh srê, mât đăp mpăn săk soan, nău rêh an ăp nuĭh ƀon lan, du nuih n’hâm, nsum soan ƀư tĭng geh săk rnglăy ăp nău kơl an bâh mpôl rnoi bâh Đảng n’hanh ngih dak ngăn lah Đề án n’hanh bôk nău kan nkô̆ mpŏng ngih dak hun hao wăng sa rêh jêng nkual rnoi đê̆ n’hanh gôl yôk lvang năm 2021-2030; ndrel đah nĕ an geh nsrôih mât n’hao nău ueh êng mpeh văn hóa bâh mpôl rnoi Khmer, ƀư geh ueh tâm ban dơn ngoăy tâm n’gâng kan văn hóa Việt Nam geh âk nău ueh êng mpôl rnoi.

Nuĭh rblang: Thị Đoắt