VOV4.M’nông- Ta ntŭk kan n’gâng kan nchră nău đah dak bah dih, kuanh n’gâng kan nchră nău đah dak bah dih Bùi Thanh Sơn lĕ vơt groi kruanh n’gâng kan nchră nău đah dak bah dih Ấn Độ Saurabh Kumar di rơh tât khâl Việt Nam n’hanh leo rơh rƀŭn nchră uănh năl nău kan chính trị tal 12 n’hanh tâm nchră trong kan tal 9 đah kruanh n’gâng kan nchră nău đah bar dak bâh nar 29-31/5/2022. Ta rơh vơt ngơi, kruanh n’gâng kan Bùi Thanh Sơn đă bar ding an geh ntrôl ăp nău kan tơm khlăy kơt lah: chính trị- nchră nău đah dak bah dih, mât rnă njrăng ngih dak- rnă njrăng rêh jêng, tăch rgâl- ntuh kơl, khoa học- công nghệ, văn hóa n’hanh tâm nđur ƀon lan, ngăn lah ntrôl tâm kơl pâl nđaih tâm rnôk 2 dak lĕ pơk mpông trong n’har bri n’hanh ăp nău kan khlăy gay ma kahgĭt 50 năm nar njêng tâm boh kan nchră nău đah bar dak 1972-2022. Groi kruanh n’gâng kan nchră nău đah dak bah dih Ấn Độ lah na nê̆ Ấn Độ way geh uănh khlăy Việt Nam lah ntŭk kan tơm khlăy tâm nău kơl “Pah kan mpŏng mpeh luh nar”, nkre lah ton tâm rgop ntrôl tay lơn tâm boh kan nchră nău lĕ rngôch đah bar dak tâm let năp tay.

Nuĭh rblang: Thị Đoắt