VOV4.M’nông – Nkhêp di rơh Tết Nguyên đán Nhâm Dần, lơ 16/1, Kruanh n’gâng kan, Chủ nhiệm Ủy ban Dân tộc Hầu A Lềnh lĕ tât khâl, an ndơ rnăk ach o, rnăk dơi kơl n’hanh nuĭh dơi nsing nơm tâm ƀon lan rnoi mpôl đêt ta n’gor Bắc Kạn. Tât khâl nkuăl Ngân Sơn, n’gor Bắc Kạn, Kruanh N’gâng kan, Chủ nhiệm Ủy ban Dân tộc lĕ an ndơ khlay 50 rkeh prăk an tơm prăk nkrem ntrŭt nsôr hăn nti bah nkuăl. Ta aơ, wa Hầu A Lềnh lĕ an 150 nklâm ndơ an ăp rnăk nuĭh geh soan, rnăk dơi kơl, rnăk geh nău rêh jêr jŏt n’hanh nuĭh nsing nơm tâm ƀon lan rnoi mpôl đêt bah n’gor Bắc Kạn.

Kruanh N’gâng kan, Chủ nhiệm Uỷ ban Dân tộc Hầu A Lềnh khâl n’hanh an ndơ Tết Nguyên đán ta Bắc Kạn

Pah kan đah kruanh n’gor Bắc Kạn, kruanh n’gâng kan, chủ nhiệm Ủy ban Dân tộc đă n’gor ƀư uĕh tay ăp bôk nău kan rƀŏng tĭng bôk  nău kan ndâk njêng ƀon lan mhe, Bôk nău kan rƀŏng tĭng lam dak n’hŭch ach o nâp nâl... uănh khlay hun hao wăng sa hăn ndrel n’hao uĕh nău rêh nuĭh ƀon lan.

Nuĭh rblang: Y Sưng Phê Ja