Di nkah 92 năm nar ndâk Đoàn druh ndăm Công sản Hồ Chí Minh, lơ 24/3, Kruanh N’gâng kan Công an, Ban Bí thư Trung ương Đoàn geh rơh tâm nchră đah đoàn druh ndăm Công an ƀon lan. Tâm nar tâm nchră, Kruanh n’gâng kan Công an Tô Lâm ndrel Bí thư bôk năp Trung ương Đoàn druh ndăm Cộng sản Hồ Chí Minh Bùi Quang Huy hŏ djăt ndrel mbơh ăp nau kan kan geh đoàn viên, druh ndăm Công an mbơh, kơt: Nau kan ntrơn rgâl mrô rnôk aơ, nau kan kơl an ân rmôt Công an xã, nau kan geh tât nau kơl an druh ndăm lam nŭih dôl ma ƀư nau kan tâm rmôt Công an geh dơi nti kan pah, mbơh pă nau kan jêh rnôk lôch năm hăn.

Kruanh n’gâng kan Tô Lâm ân lah, lah n’gâng kan công an, Đoàn druh ndăm Công an ƀon lan mô geh ntrŭnh, ƀư tĭng nau ntrơn rgâl mrô, ƀư dŏng nau ntrơn rgâl mrô ri mra jêr lơn rnôk ƀư nau kan. Hôm Bí thư bôk năp Trung ương Đoàn Bùi Quang Huy ri ân lah, rnôk aơ, Trung ương Đoàn dôl ma dŏng nau ntrơn rgâl mrô tâm ăp gưl kan đoàn gay ma mât ân dơi mrô, nau kơl an ân ăp nŭih tă lôch hăn ƀư công an./.