VOV4.M’nông- kêng măng nar 2/6, ta Hà Nội, Đại tướng Tô Lâm, kruanh n’gâng kan Công an lĕ geh vơt wa Shawn Perry Steil, Đại sứ mhe mât kan lĕ rngôch Canada ta Việt Nam, tât ôp ngơi di rơh ntơm dơn nău kan ta Việt Nam.

Rhơn wa Shawn Perry Steil mât nău kan mhe ta Việt Nam, kruanh n’gâng kan Tô Lâm an gĭt nău tâm boh kan Việt Nam- Canada geh hun hao ueh tay, ngăn ngên, dơi geh du đê̆ nău geh ueh di ta lĕ rngôch ăp trong kan chính trị- nchră nău đah dak bah dih, tăch rgâl- ntuh kơl, tâm kơl hun hao, mât rnă njrăng ngih dak, rnă njrăng rêh jêng, văn hóa- ntĭm nti, khoa học công nghệ, tâm nđŭr đah ƀon lan. Kruanh n’gâng kan Tô Lâm dăn đă, tâm let năp tay, wa Đại sứ quán mât uănh ntrôl tâm boh kan đah n’gâng kan Công an- Việt Nam n’hanh n’gâng kan mât rnă njrăng ntŭk rêh jêng Canada, Cảnh sát Hoàng Gia Canada n’hanh ăp ntŭk kan tâm kơl bar ding, âk ding gay ma tâm mbơh nău kơl an pah kan njrăng, rdâng nău tih rgŏ ngih dak, uănh nđôi, rmal ăp nkô̆ nău na nê̆.

Nuĭh rblang: Thị Đoắt