VOV4.Mnông- Nar 17/2, ta Hà Nội, n’gâng kan công an leo ƀư rơh rƀŭn nchră mbơh tơih nău kan rmôt pah kan bâh chính phủ ƀư tĭng bôk nău nchrăp kan “hun hao dŏng rnoh mbrô mpeh nuĭh ƀon lan, rnoh mbrô ntơ săk n’hanh uănh năl điện tử kơl an nău kan rgâl rnoh mbrô ngih dak lvang năm 2022-2025, mpŏng uănh tât năm 2030” (ntơ lah Đề án 06/CP). Đại tướng Tô Lâm, kruanh n’gâng kan Công an leo rơh rƀŭn nchră, ntoh ngơi ta rơh rƀŭn nchră lĕ geh đă ăp đồng chí tâm rmôt pah kan uănh nđôi trong kan ƀư tĭng bôk nău kan gay ma ntrŭt đă, ntĭm đă răng dăng, nsrôih ƀư lôch ăp nkô̆ nău pah kan tĭng di nău nchrăp ngluh mbơh. Kruanh n’gâng kan Tô Lâm dăn đă ăp nuĭh kan tâm rmôt leo kan bâh ntŭk kan chính phủ an geh ntrŭt đă ăp n’gâng kan, ntŭk kan, ăp ntŭk an geh rdâk njêng nău nchrăp kan hun hao nău nchrăp n’hanh njêng rmôt pah kan ƀư tĭng bôk nău kan tĭng nău ntĭm đă bâh đồng chí groi Thủ tướng Vũ Đức Đam.

Nuĭh rblang: Thị Đoắt