Kruanh n’gâng kan Tô Lâm n’hanh mpôl pah kan lĕ tât ôp khâl, nsơm nuih n’hâm ăp rnăk vâl ăp cán bộ khĭt geh: Thiếu tá Hoàng Trung deh năm 1981, Đại úy Nguyễn Đăng Nhân deh năm 1994 lah cán bộ Công an xã Ea Ktur, Thiếu tá Trần Quốc Thắng deh năm 1989 n’hanh Đại úy Hà Tuấn Anh deh năm 1991, cán bôk công an xã Ea Tiêu, Bí thư Đảng ủy, kruanh Hội đồng nhân dân xã Ea Ktur Nguyễn Văn Kiên n’hanh kruanh Ủy ban nhan dân xã Ea Tiêu Nguyễn Văn Dũng. Ta ăp jay nuĭh khĭt, kruanh n’gâng kan Tô Lâm n’hanh mpôl pah kan lĕ su mpoh nhang kahgĭt ăp nuĭh kan ndrel, ăp cán bộ lĕ khĭt yor mât nău đăp mpăn an ƀon lan. Tâm kơl đah rnăk vâl ăp cán bộ, tahen mpeh nău roh jot, rngot klâng aơ, kruanh n’gâng kan Tô Lâm lah na nê̆, Đảng, ngih dak, n’gâng kan công an way geh mât kơl, ƀư tĭng ueh nău kơl an đah cán bộ công an lĕ khĭt. Kruanh n’gâng kan Tô Lâm đă ăp ntŭk kan têh ta n’gor Dak Lak an geh mât uănh, kơl an mpeh ăp nău kan tâm nău rêh, nău mĭn đah rnăk vâl nuĭh lĕ khĭt, mô an rnăk vâl, mê̆ bơ̆ ur kon geh nău pah pĭt.

Di rơh tât ôp khâl, nsơm n’hao nuih n’hâm ăp rnăk nuĭh lĕ khĭt, kruanh n’gâng kan Tô Lâm lĕ pă an rnoh prăk 500 rkeh prăk gay ma ƀư ngih jay an rnăk vâl 2 hê công an khĭt lah Thiếu tá Hoàng Trung n’hanh thiếu tá Trần Quốc Thắng, pă rnoh prăk mpêt nkrem 500 rkeh prăk an ăp rnăk vâl công an khĭt Nguyễn Đăng Nhân n’hanh Hà Tuấn Anh, pă an 50 rkeh prăk an rnăk vâl tahen khĭt, geh sŏk bâh rnoh prăk njrăng rdâng nuĭh tih Trung ương.