VOV4.M’nông: Kêng măng 29/3, ta Hà Nội, Đại tướng Tô Lâm, Kruanh n’gâng kan Công an vơt wa Vladimir Baravikov, nŭih ntoh măt mhe bah Belarus ta Việt Nam tât mbah rnôk ntơm bôk nau gŭ kan tâm Việt Nam. Kruanh n’gâng kan Tô Lâm rhơn nŭih ntoh măt geh năm kan ta Việt Nam geh nau dơi, rgop nau ntrŭt dăng nau tâm boh kan nsum ueh lăng đah bar dak hao du nhoat mhe, ŭch nŭih kan ntoh măt lŏ kơl an ndrel ƀư ntung njŏ pơk hvi nau tâm boh kan nsum đah Công an Việt Nam đah ăp ntŭk kan êng bah Belarus. Kruanh n’gâng kan Công an Tô Lâm lah rjăp, tâm ăp năm rlau aơ, nau tâm boh mpeh chính trị, văng sa, văn hoá, rêh jêng, rnă njrăng, neh dak...đah bar dak Việt Nam-Belarus mô rlu geh n’hao prêh, ƀư nâp ndrel hun hao, đă 2 ding lŏ tâm boh rjăp ndrel tâm kơl tâm ăp nau tâm nchră đah dak ba dih tâm rơh tât, rgop nau ƀư jêh nau mât đăp mpăn, nâp nâl tâm nkuăl ndrel lam ntur neh./.

Nŭih rblang: H’Thi