Kruanh N’gâng kan Tô Lâm uănh lah prêh 2 Mpôl đại biểu rmôt Rnă njrăng Lào n’hanh Việt Nam lĕ nsrôih tâm rgop nchrăp n’hanh ƀư lôch uĕh Rƀŭn nchră kan ndrel rnă njrăng Việt Nam-Lào rơh tal 13 đah âk nkô̆ nău lĕ dơi an tâm rgâl, tâm nchră n’hanh lĕ geh tâm ban ŭch âk. Lơn lah, 2 ding lĕ ký sam ƀŭt rƀŭn nchră kan ndrel rnă njrăng Việt Nam-Lao rơh tal 13 đah âk ntil nău kan ndrel mhe.

Kruanh N’gâng kan Tô Lâm lah rjăp, N’gâng kan Công an Việt Nam mpŏng ndrel N’gâng kan Công an Lào mât nâp đăp mpăn, ƀư tơm, mô an ăp rlăng dak bah dih rlăm dak aơ ƀư khuch tât rnă njrăng, đăp mpăn bah dak ri n’hanh ƀư nkhah nău tâm boh 2 dak; mĭn lah N’gâng kan Công an Việt Nam nchrăp ntop kơl Lào đăp mpăn năm Kruanh ASEAN 2024.