Nar Quốc tế thiếu nhi (1/6) n’hanh lah nar Vi chất dinh dưỡng, tâm 2 nar 1 n’hanh 2/6, N’gâng kan dak si mbơh ƀư ntop tay vitamin A rơh 1 năm 2023 an kon se ta lam dak. Kruanh n’gâng kan dak si Đào Hồng Lan hăn uănh na nê̆ nău ƀư kan aơ ta phường Điện Biên, quận Ba Đình, Hà Nội.

Mbơh đah Mpôl pah kan bah N’gâng kan dak si, Giám đốc N’gâng kan dak si Hà Nội Trần Thị Nhị Hà an gĭt: rơh aơ ta lam Thủ đô geh rlău 630.000 kon se ta rnoh năm deh dơi ngêt vitamin A, ta 1.744 ntŭk. Kruanh N’gâng kan dak si Đào Hồng Lan an gĭt, tơm vitamin A ntop an kon se  dơi rmôt kan Vitamin Angel-Hoa Kỳ ntop kơl. Nar bah năp, ntŭk pă mâp jêr jŏt jêng rnoh vitamin A rơh aơ dơi pă mbrơi. Nchrăp geh nklăp 6 rkeh kon se lam dak dơi ngêt ntop tay Vitamin A. Êng ta 22 n’gor nkual yôk jêr jŏt, rnoh năm kon se ngêt vitamin A dơi pơk hvi lơn, bah 6 khay tât 59 khay deh. Bah meng nĕ, kon se bah 24 khay tât 59 khay deh dơi ngêt dak si brun ăp rơh. Nău kan aơ lĕ kơl dak he dơi trok nău ji cheh ngo măt yor mô tŏng vitamine A tâm năm 2000./.